Կարդա, ընտրիր առակներից մեկը, փոխադրիր, կատարիր առաջադրանքները ապա պատրաստիր ձայնանյութ:
Վարդան Այգեկցի
Կտակ վասն գանձի
Իմաստասէր ոմն աղքատ ունէր ծոյլ որդիս եւ ի ժամ մահուն կոչեաց զորդիսն եւ ասէ.
— Ո՛վ որդեակք, բազում գանձ կայ պահեալ ի հարցն իմոց յայգին մեր, իսկ զտեղին ոչ ցուցանեմ ձեզ, այլ որ աշխատի ևւ խորագոյն փորէ, նա գտանէ զգանձն:
Եւ յետ մահուն հօրն, սկսան որդիքն ջանալ մեծաւ աշխատութեամբ եւ խորագոյն վարէին, եւ ամէն մէկ իւրն ջանայր, զի ինքն գտցէ զգանձն:
Եւ սկսաւ այգին աճիլ եւ զօրանալ եւ ետ բազում պտուղ եւ ելից զնոսա գանձիւ:
Բառարան
ոմն — մի մարդ, մեկը (ոմն աղքատ – մի աղքատ մարդ)
որդիս — որդիներ
ի ժամ մահուն — մահվան ժամին
կոչեաց — կանչեց
զորդիսն — որդիներին
որդեակք — որդյակներ
պահեալ — պահված
ի հարցն իմոց — իմ հայրերից, իմ հայրերի կողմից
յայգին — այգում
զտեղին — տեղը
ոչ ցուցանեմ — ցույց չեմ տալիս
որ — ով, ով որ
խորագոյն — ավելի խոր
փորէ — այստեղ` փորի
գտանէ — այստեղ` կգտնի
յետ մահուան հօրն — հոր մահվանից հետո
մեծաւ աշխատութեամբ — մեծ չարչարանքով
վարէին — վարում էին
իւր ջանայր — ինքն էր ջանում (ձգտում էր)
զի — որ, որպեսզի
գտցէ — գտնի, կգտնի, պիտի գտնի, գտնելու է
ետ — տվեց
ելից — լցրեց
զնոսա — նրանց
գանձիւ — գանձով
Հարցեր և առաջադրանքներ
Ճիշտ կարդա այս բառերն ու բառակապակցությունները.
Կոչեաց, որդեակք, պահեալ, աշխատութեամբ, յայգին, յետ, զտեղին, զգանձն, զնոսա, մահուան, խորագոյն, իւրն:
Հետևյալ բառերն ու բառակապակցություններն աշխարհաբար դարձրու.
ասէ-ասաց, որդիքն-որդիները, սկսան-սկսեցին, յայգին մեր-մեր այգին, զգանձն-գանձ, սկսաւ-սկսվեց, բազում պտուղ-շատ պտուղներ, ետ բազում պտուղ- տվեց շատ պտուղներ:
Աշխարահաբար դարձրու առակը:
Իմաստուն մի աղքատ մարդ ուներ ծույլ որդիներ և մահվան ժամին կանչում է որդիներին և ասում․
— Ով որդյակներ, բազում գանձ կա պահված իմ հայրերից այգում մեր, իսկ տեղը ցույց չեմ տալիս ձեզ, ով աշխատի և ավելի խոր փորի, նա կգտնի գանձ։
Հոր մահից հետո որդիները մեծ աշխատասիրությամբ աշխատում են և փորձում մյուսից ավելին փորել, որպեսզի գտնեն գանձը։
Եվ սկսեց այգին լավ աճել, առատ բերք տալ և շնորհիվ դրա, որդիները հարստացան։
Ինչի՞ց է երևում հոր իմաստասեր լինելը:
Մեկ նախադասությամբ գրիր` ի՞նչ է ցույց տալիս առակը:
Ամեն ինչ չի վոսկիով ու փողով, աշխարհի ամենա թանկ բաներից մեկը դա բնությունն է։
